Taakui ampun urang

jadi kaini, semalam tu aku disuruh dosen meulah barita atawa anekdut bahasa banjar. awalnya kada tahu lagi napa anekdut tu, sakalinya anekdut tu kisah lalucuan nang kaya si palui tu nah.
bah dalam hati ku nginih gawian surang amun anekdut, ayuay surang ambil anekdut haja kalu kda mampu amun maulah barita. ujar dusen 2 minggu kumpul sabagai tugas middle ujah. mendanga 2 minggu santai ai surang nih marasa nyaman haja pang.
sampai hari H nya sampai ujah urang tuh, aku nih kada ingatan lagi manggawi, jaka kada upik mam'bm bisa kda tagawi. hanyar dihabari ja 12 tugasnya dikumpul jam 2. gawi balakas ai. ujar urang tuh tugasnya masih panas lagi, nangkaya gaguduh ha masih panas.
nah nang kayaini am hasilnya, ngarannya jua ngebut, nangapa nang di kapala dituang ai. untung jumblu, jadi di kapala ku kdd mikirkn pacar, jaka kada bisa tatulis ngaran pacar timbul.

Bungul pangkat ampat

Oleh: M Noor Arifin

Kisah sakawanan urang bungul nang lawas kada badapat. Jadi kisahnya ampat ikung sakawanan nginih ngarannya Amat, Acut, Amang, lawan Anur.

Amat nih nang tasugih dari baampat kakawanan nginih, amunnya si Amang inya nih paling tuha diantara bubuhan nang baampat nginih, inya jadi tapaimbai lawan bubuhannya nih gara-gara talalu disayang guru waktu di SD, jadi am urang anam tahun haja sakulah SD si Amang maka sampai malapan tahun. Habis tu si Acut nih jadi dikiyau Acut inya nih panjagaunya diantara bubuhan nang baampat nih, gawiannya haur bakalahi haja, kada kawa salah sadikit urang ditampilingnya, tagal amun kalah basasasigan bulik ka rumah. Nah si Anur nih nang taalim urangnya, gawiannya bulang bulik langgar haja mengganii kaum meharagu langgar, azan rancak jua si Anur nih. Diantara nang baampat nih Anur haja nang batinggal di kampung, nang lainnya marantau, ada nang ka hulu, ada nang ka hilir.

Jadi kisahnya nih pas hari raya idul fitri, tadapatan pulang buhan nang baampat nih dikampung. Jadi jar si Anur managur Amat. ‘bah lah suksis kawan sudah wahini badagang di kampung urang saku ah bapintar bahitung wahini, kada kaya waktu di SD bahari’ ngarannya sakulah sampai SD haja, jadi nang diingat waktu zaman SD ai. Si Amat marasa taambung disambat suksi lawan bapintar lalu ai manyahut ‘beh nyata haja ah, kada malihat kah nah ipuk kawan tabal’ si Amat sambil manapak-napak ka burit andakan dumpit. Si Amang manyahut jua ‘bah paling catatan hutang ngitu nur ai, urang bungul bahitung mana mau suksis badagang’, Acut umpat jua bapandir ‘cuba tes pang 4x9 barapa mat’. Lalu ai Amat bapajam kisah bapikir, lawas banar Amat nih bapajam. ’62 iyalah’ ujar si Amat pasti. Imbah tu ujar buhannya manakuni Acut nang maulah partanyaan, ‘kayapa cut bujur lah’ Acut manyahut langsung ‘bubuhan ikam nih manakuni unda nang kaya unda pintar banar, tu nah takuni nang tatuha’ si Acut manunjuk Amang ‘nah salah am bubuhan ikam manakuni unda, nang paling lawas sakulah bujur pang aku, tagal lawas nya unda sakulah tu kada maraga unda pintar wal ai, itu maraga unda bungul, makanya kada di naik akan paguruan’ sahut Amang. Ditangah pahualan ngitu tadih si Anur manangahi ‘bujur haja gin dah’. Amang manyahut pulang ‘kanapa marga di bujur akan nur, bisa kah nyawa bahitung’ jadi si Anur manjalasakan ‘kadanya marga ulun mahitungi pang mang ai, tu si Amat pina lawas banar bapikir saku dasar bebujuran pintar inya wahini’ imbah itu jar Amat ‘nah bujur jar Anur tu buhannya ai’. Nang lain nih ngarannya sama pada bungul ma iih akan ai jua.

Kada saapa mangiing langgar tanda zuhur, jadi si Anur nang tukang haragu langgar nih membawai bebuhannya sumbahyangan. ‘kalanggaran nah kita sumbahyangan hulu’ ujar Anur. Nang lain nih umpat ai jua bajuuk kalanggar, sakali sampai kalanggar malihat kaum haja sasurangan baucap si Acut nih ‘uma masih ja kah kakaini langgar kita nih nur, ikam lawan kaum ai lah nang maisi hari-hari’ jadi jar Anur ‘iya pang nah salawas bubuhan kam tulakan nih langgar tinggal baduaan ja lagi nang maisi’. Si Amang mandangar pandiran Anur pina sadih kayaitu ‘mau nih subuh unda gawi bubuhan kampung nih’ ujar amang, maingat gawian Amang waktu halus katuju mambunguli urang kampung.

Imbah si Anur azan. Amat, Acut, lwan Amang baudu kada saapaan komat si Anur, kaum jadi imam. Takana napa kah si kaum pina Doh, pusang mamikir akan hutang kah saku, sumbahyang zuhur maka jadi anam rakaat. Jadi si Acut nang kada tapi tahu dibasa ngini bapandir rahatan imam badiri handak ka rakaat ka lima ‘um labihan um’ ujar si Acut nih nang bungul jua ilmu sumbahyangnya. Imbah tu Amat manyahuti ‘tahu kaum nih labihan um’. Si kaum kada tetahu muha sidin sumbahyang tarus, kada tahu saking khusunya kah saking hayalnya si kaum nginih. Imbah tu babunyi pulang Acut nang kada tapi tahu dibasa nginih ‘nah labihan pulang kaum nih’ Amat pulang manyahut ‘iih um labihan’ tagal masih ha maumpati kaum nang labihan ngini. Si Amang sabagai tatuha managur ‘sumbahyang kada bulih bepandir buhannya ai, takuni ha Anur’ si Amang managur, padahal sidin bapandir jua. Anur marasa inya nang disambat Amang umpat jua bapandir ‘iih batal buhan nyawa sumbahyang amun bapandir jar kaum samalam mamadahi unda’ Acut marasa sangkal disambat batal sumbahyang maka sudah anam rakaat sumbahyang, lalu ai manyahut jua ‘nyawa bapandir jua nur ai, baarti nyawa batal jua bungul ai’ Anur mambila diri pulang ‘unda mamadahi akan ja cut ai’.. kada saapa kaum manyahut jua ‘bungul batal samunyaan bungul ai, samunyaan bapandiran sumbahyang’ ujar kaum. Sarantak buhannya manyahut jua ‘PIAN BATAL JUA UM AI’ 

jadi kawal lah. jangan dituruti aku tuh, berasa bisa timbul meanggap nyaman, pdaha amun kytu seulah-ulah kita tu kuasa, padahal nang kuasa tu Allah haja luku. kuasa haja Allah mencabut kabisaan kita tuh. hen maka nya am salah banar aku tuh.. taakui ampun urang...

08.08  Noor Arifin  No comments

Read More

syukuri, nikmati, kawa am tatawa. part 2

hen yat, nangkaya pelem-pelem barat ha da part 2 nya, tejanji pang semalam lah sudah handak mengisah akan nang musim karingnya pulang.
sebelum melanjutkan membaca pastiakan dulu kumpur bamati, banyu bamati, lwan nang pasti urangnya jangan mati. amun urangnya mati siapa nang membaca yakalo, timbul kena malah aku nang membaca akan yasin kda jadi am buhan mu membaca blog ku nang bebungulan nih,,
nah lanjut, jadi kayni sanak ai, semalam kan musim labihan banyu sampai-sampai bayu tu bemasuk kakamar, pdahal di kamar kda tapi paru jua png lawan banyu, tapi ngarannya pembarian tuhan ya ditarima ai,, nah amun nang kakurangan banyu lain kisah lagi, jangankan masuk kakamar banyu sanak ai, masuk kaparut gin awam.
pas musim karing nih dasar bujur karing tu pang, yang asalnya pahumaan tu hudah nang kaya kolam renang jadi kaya lapangan bola, karing timbulan.. nang asalnya kda kawa jalan mamintas lewat pahumaan amun hndak kadapur, timbul hari-hari manyubarang lewat pahumaan.
kada pahumaan haja, pamandian jua surut namun kda sampai karing pang sanak ai, amun sawat karing pacang kada bamandian, kada babasuhan lagi buhannya bahira.
handak makan minum ngalih jua sanak ai, masalahnya makan pagi amun di pundukku tu kabiasaan manguhup mi, pakai banyu jarangan nang di sadia akan paninian di dapur, nang liwar langkar tagal lirut ujah. hahahaah maka ibu disambati.. astagfirullah ifiin ifiin,,,,
nah gagara kakurangan banyu nginih rancak tu ibu ni kda sampai hibak manjarang banyu, kasian haja ah sidin batangah malaman behagaan banyu, kaina babuhan santri nang mancuntani banyunya pakai minum dikamar.. iya pang mucil ni ngalih ai,,
imbah baisukan habut asing-asingnya kda kdapatan banyu, sungsung habis hudah.. nang maulah lakas habis nh biasanya babuhan santri baru tu png nang basubuhan hudah mambawa tirmos pakai dikamar, nang pacang makan kasian,, hen gegara kekaringan ngini jua png bebuhan kami amun malam kehausan maka jadi zombi, kuliling pondok png mencari banyu, asing-asingnya tatanaian.. sampai suah waktu tu malihat kawan mambawa jarigen maambi neh mbah di dapur, pas kami kahausan, apada lagi kami sasah bahimat, kda sampai kakamar habis dah dimintai bhannya ja.. kasian haja ah nang dikamar mehadang,, hahaha
itu amun sudah parah banar, tapi amun selagi pauduan masih jalan masih tenan lagi, tapi suah nang sakarat banar antara ada lwan kdada banyu pauduan ni, tanai-tanai manangah jam.an maka sadikit banar kaluar, si bungul (aku) bainisiatif mambuka karan sauting nya, ku tiup geganjang di luang nya tuh, maka daras kaluar tapi satumatan nya jua png, nah jadi begantian ay aku maniup ngitu, amun sudah kakanyang sadikit bahurup pulang,, ilmu nya nih tapakai sakalinya sanak ai pas dikuliahan, pas hagan beudu bhan nya ospek smalam. habut banyu kda jalan, mbah ku tiup mka blajang ha, nang marasnya tu pas urng baudu aku maniup akn, tapi pas aku hndk baudu urng nya nitu maka kda bisa.. heen nasib ja dah lagi..
kita bulik akan pulang, biar kypa ja keadaan nya amun kita besyukur lwan manikmati haja, kawa ja kita kaya urang himung ktawa ktwa, ujar mariu taguh tuh bahagia kda masti kaya, sederhana namun mensyukuri itu bahagia nang hakiki.. ujah sidin,, hahaha
sudah gin nih pina banyak bnar nah, nya kyni png si bungul (aku) nih amun lawas kada akulai laptop pas takulai lalu ja mereranjing mengetik... hahahahaha

11.43  Noor Arifin  No comments

Read More

Syukuri, nikmati. Kawa am tetawaan.

Lagi musim labihan banyu nih di banjar, hudah bnyak to sungai iya png labihan ja, saking kaya nya Allah Ta'ala sanak ay. Kda bebayaran sidin mmbari banyu nyaman lipuy" mandi, bahira nyaman banyu kda bebayaran..
Amun musim labihan banyu kaya ini nih timbul kaingatan dipondok bahari, rami banar png.. Dipondok tu musim basah kah musim karing kah, kawa haja tetawaan papadaan. Ya tu am dstu dilajari bsyukur. Untung banar suah jua terasai mondok.
Jadi hndk mngisahkn nah kypa rami nya dpondok tu..
Amun dipondok ku png lah, mun musim hujan kynini banyu tu naik. Cuba pikir akan ada lah sejarah nya banyu tu naik, nang ada banyu tu turun kalo, suah lah mlihat air terbang, adanya air terjun loko.. Nah itu png indahnya bhasa bnjar.. Nang mustahil maka ada..
Lanjut..
Jdi mun musim hujan kamar ku tu banjir jua, amun kda lakas membatisi lamari, maka basah baju.. Guringan gin kda kwa lagi beampar dibwah kya biasanya, ada nang guring di atas lemari, ada nang mnyusuni meja di kelas diulah jadi reranjangan, ada jua nang meulah pepanggungan pakai mejanya tenis meja tuh.. Kda kekurangan akal buhan pondokan nih hagan guring.. Tapi kbnykan nya hijrah ke masigit png..
Nang nyaman tu betapas lwan mandi sanak ay, sekehandak png betapas tu, kda usah kebatang lagi. Dimuka kamar jadi.. Basuh piring dimuka kamar, basuh burit tetap ay png di wc. Bahaya mun dimuka kamar jua harau bnyak taksi kuning lalu lalang kna..
Maka bebuhan kuricik bihi nya amun sore katangah pahumaan tu png bemainan, ada nang besluncuran di plataran asrama, ada nang asik bekunyungan, ada nang mnguhup mi. Tapi kda dalam banyu png mnguhup mi nya.
pkoknya rami banar tu png, labihan banyu nih dimanfaatkn buhan nya bnar, derita nang kda kwa guring kya biasa tu kda dijadikan bhan nya msalah, malah bhan nya katuju. Kawa guring dimasigit, bekipas angin dimasigit, amun dikamar kipas tangan gin awam, amun ada jua pas bebaya tekalap hilang to dihiga kepala, dijuhut kawan. Kwan kepanasan jua..
Ini hanyar musim labihan bnyu ja, masih ada lagi musim karing, kaina pulang postingan imbah nih aku mngisah akan musim karing..
Jadi ini ada lah pelajaran nya ? Nyata ja ah ada..
Kyapa ja kundisi nya ujar urang tu bawa bakurihing ja, bawa beramian ja. Kda usah dipikir akan sakitnya. Sakit tu sakit png, tapi amun mnggerunum ha mngeluh ha tarus, kada jua kalo ampih sakitnya, malah asa bebangat sakitnya. Nah intinya tu syukuri nang ada, kulai nang ada ja jar peguruan tuh. Iya lah..
Hudah gin lah ripu tngan mngatik nah..

17.37  Noor Arifin  No comments

Read More

LGBT Bisa Mengganggu Kestabilan Perkembangan Umat Manusia

Lagi reramian nya LGBT kah jah bebuhan penerus kaum Luth wkwk
Aku bngung jua km lwn bebuhan LGBT nh, knpa kytu nah jadi hndk lwan sesama.
Nang bebuhan lakian nya nih kdeda lagii kah yo bebinian nang hakun jadi hndk lawan lajuk jua. Amun aku am lah seandainya kdd lagi jua bnian bungas tesisa seikung bnian nang kaya elli sugigi ja lagi, lwan lakian bungas" aku hakun milih elli sugigi tu. Biar ha kda bungas asal ada anu nya ha. Dripda lakian jua kypa main nya coba pedang sama pedang beanggar ay leh. Wkwkw
Bungas kda bungas tu kwa ja diurus, pas main nya pajahi lampu jadi kda klihatan jua muhanya lo. Ahaha

Tapi kita kda bulih jua mendiskriminasi bebuhan LGBT tu, bhan ny tu mungkin trauma psikis nya, bisa jua faktor lingkungan. Tapi kita jangan jua memfasilitasi nya. Kita tu sharusnya menuntun nya supaya kwa membulik akan buhannya tuuh..
Ujar tuhan kalo, kda akn berubah nasib suatu kaum lamun kada buhannya sorang nang beusaha meubah, tagal kda jua meniadakan tuhan, tuhan kuasa mengubah nasib urng tagal kda smunyaan, urang" pilihan allah haja kytu nah.

Nah, ujar bebuhan nang pro lwn LGBT rasa cinta bhan nya kesesama jenis tu dsar brasal dri hati, jadi jar buhan nya ngitu tu rasa yg diberi allah jua jar..
Supaya tahu ja lah, nang nama nya khotor tu kda smunyaan baik. Khotor tu suara hati atau bsikan hati. Nah khotor tu bisa khotor malakiah bisa khotor jua syaithoniah, bisa jua khotor ilahiah. Hen bisa jadi nang disangka bhan nya tu bisikan hati atau perasaan itu fitrah berasal dari tuhan bisa jadi itu berasal dri syaithon.
Mkanya itu kita harus bisa mngenali siapa nang mmbisikan nitu tu. Jangan smpai kita meanggap ngitu tu fitrah, kdd hal nang diharamkn tu fitrah. Tapi kda jua brti tuhan kdda kuasa. Itu smua kuasa tuhan jua .. Gsan mencoba kita.. Nah itu paham ay lo..

Nah, cuba bayangkan misalkan nya lakian sama lakian kawin, kda stabil lagi pertumbuhan manusia nih. Kda pcngan kawa inya betianan, namun betianan jua misalnya, tagal kda kwa jua png. Tpi misalnya lo.

Lewat mana kluar anaknya tu lewat luang hidung. Iih ay anak nya kaya upil. Hahah
Namun babinian jua sama babinian kawin, nangapang nang dicublus, lamun kdd senjatanya, mau png pakai jariji mancublus nya kda mau jadi anak.
Nah jdi kan di dlam al-Qur'an tu sudah dpadahkn allah manusia tu diciptakan berpasangan, malam lawan siang, dingin lwan panas, lakian lawan binian. Jadi aturan tuhan tu sudah baik haja gsan kstabilan kita, cuba akan lamun nya siang haja selawasan, kasian nang puasa kda bebukaan.
Nah kytu jua lakian lwn bnian sudah aturan nya, jangan tapi pina hndk mahual tuhan ha..
Jadi itu tadi lah kasimpulan nya. LGBT tu muhuun banar jangan dimusuhi jangan dijauhi, tapi diarahkn. Bebuhannya tu ibaratkan urang nang garing. Garing jua ay garing psikisnya. Supaya bhan nya tu sembuh tunggal dikitan am ditulungi..

01.10  Noor Arifin  No comments

Read More

hati-hati tasalah ilmu.

bingung nah handak nulis apa, inya amun kdeda kegelisahan nih asa kededa nang di tuang akan ujar urng tu. maka tulisan nang bagus tu ujar raditya dika tu nang dari kegelisahan, tahu ay lo kegelisah. kaya galau tu png, pusang kah bisa jua di sambat gelisah. tapi pusang tu rancak bukah nya timbul mnyenyangit, perasa ku lain png lawan gelisah.
ayy iih lah, ini ja gin,

kyni sanak lah, whini banyak banar urng" nang mngaku sampai dah ilmu lawan tuhan jar, jadi urang nang masih besumbahyangan tu balum sampai lagi ilmu nya jar, hati-hati lah jangan di umpati amun ada urang-urang atau kya majlis-majlis nang membawai kada sembhyangkytu,
koyonya am kda besembahyngan lagi, nabi muhammad ja nyata dah sampai lwan allah sembhyang ha sidin kalo.

biasanya urang kytu mngaji tengah malah kytu, mngaji ilmu rahasia ujar, kypa mngajinya amun rahasia, maka rahasia tu kada boleh dipdahi keurang, amun di padahi keurang tu lain rahasia lagi namanya, ya kalo.

pokoknya kyni ja ksimpulan nya, hati-hati memilih guru. amun ada nang mnyambat sembhyng tu mngganali luang burit ja jar, imbah iih akn, nyman lagi to amun ganal luang burit kada ngalih lagi mhajan habang hijau muha di jamban, di sekekali akan ja urng kytutu,
amun nya bpander kyni jar misalnya lo "hakikatnya unda nih tuhan tahu lah jar, gawian nda nih gin gawian tuhan tahu lah jar" amun ada urang kytu biasanya meakal nya, amuninya tesalah napa kah di sambatnya ni gawian tuhan jar, coba tes tampar sekali amun membalas sambat jua gawian tuhan to kekalahan iny,
nang kytutu nyata tesalah nya,

bingung nh kypa mnjelas akn nya, kda mahir am mnulis nang kekenih. haha

ya tadi pang inti nya amun handak jua mencari guru, cari nang bebujur guru nya guru tu jelas sanad nya sampai rasulullah, jangan sampai tebuunguli lawan bulang haja, bnyak urng whini nang babulang bilang kaya helm fullface nang gasan motor gp tu tapi ilmu nya luput, ada jua nang pina hinip ha lagi urng nya pakaian biasa haja, kya urng kebiasaan jua tuh, tagal ilmu sidin luar biasa,nah nang kytu nang di cari.
kuat-kuat iman ay lagi dah, masalah nya whini bnyak bnar pngajian-pngajian nang tesalah kytu. mun handak jua pngajian baik datangi guru zuhdi ja, nyata dah sdin kda tesalah, mka sidin tu mnyampaikan tu baik. pasti heppy dah amun ksitu, sorang ja amun pina galau tulak ja tatap kewadah sidin insya allah bulik kda galau lagi, barokah nya ada ja kytu nah jar urng tuh.

dah gin nah, aku bngung jua hndk nulis apa lgim besubuhan hari kyni png masih stengah2 lagi nyawa nya.

16.02  Noor Arifin  No comments

Read More

minik kapala mamikir akan

Hen lawas banar kalo kda tebuka lagi blog urang gila nginih, haha ada cintanya png makanya kda teanui lagi blog haraguan sorang, hen kytu png amun blog di ulah gasan gegalauan haja, pas ada cintanya kda teherani, wkwk

Aku ni am galau lagi nah, makanya membuka ke blog, tapi galau nya kda gegara cinta png, galau gegara tugas. hedeh

Ay iih lah aku blum bpadah lagi, aku kda santri lagi dh whini aku mahasiswa dah bos ay, haha ku kira nyaman pada di pondok skali nya kda ay ah, malah teminik kepala pada dipondok.

Kda nyenyamanan kuliah lah hnyar sekali masuk maka disuruh menulis makalah, hdeh bisa gin kada aku menulis makalah, bujur png aku ketuju menulis, tapi buhan km tahu ja kalo tulisan ku kdeda yang waras nya, amun makalah tuh tulisan jua tapi tulisan ampun urang pintar, amun blog ku nih bilang rata-rata tulisan urng bungul, coba ja janaki, kdeda pepintarnya tulisan ku. Hahaha :D

Hedeh, kayapa am dah, sudah tememasuk kuliah, tapi kdappa ya kalo sanak, inya kytu ay amun hndk sukses pasti sakit dulu, jar urang tuh keindahan harus melalui sebuah proses yang menyakitkan, ibarat akan pedang ja ya kalo kada mau jadi mengkilat kytu amun kda di banam, habis di banam di catuk ha pulang, hen tedua kali sakit cemapa kam bayangkan, amun kita rancak plingan sakit nya sabuncu ja bilang hndk mnyarah.

Kita jinguk pulang kisah urang-urng sukses, bilang rata-rata dahulunya sakit jua, sakit pada sorang malahan, kdeda ay sidin mengeluh.

Amun nya hndk mengeluh jua alasan bungul jar, misalnya, kaya aku nih kalo lah, bungul handak mnyerah ampih kuliah, kabila pintar nya amun bungul kda hakun sakulah pulang, coba pikirkan urang-urang ulama bahari, ibnu hajar misalnya kypa sidin bahari waktu sakulah kda naik tarus, sampai imbayan sidin tu sudah lulusan sidin masih haja kada naik, smpai sidin merasa diri sidin tu bungul banar, sidin merasa otak sidin tu kya kededa gunanya kytu nah, jadi sidin bepadah lawan peguruan sidin, bahwa sidin handak ampih haja sakulah. Han hampir mnyarah dah sidin, tapi allah bekahandak lain rahatan di jalan diturun akn allah hujan labat, benaungai sidin di dalam gua kalu lah, melihat sidin ada titikan banyu, di itihi sidin tarus tu, smpai sidin sadar ada lubang halus di titikan banyu ngituh, lalu sidin bepikir. Nah dari sidin memikirkan lubang tadi haja sdh mematah akn prasangka sidin bahwa sidin kda kwa bepikir, nah habis tu sdin tepikir, batu nang karas liwar tu ja kwa beluang lwan banyu yg lembut, mau pang otak ku kda kwa jar sidin, karas banr kah otak ku jar sidin smpai kytu banar lwan ilmu, lalu sidin maambil kaputusan babulik kapondok, dlam hati sidin baucap, selawas-lawasnya aku sakulah pkok nya kaina kawa haja asalan istiqomah.

Lalu sidin babulik kapunduk dikisah akn sidin apa yg sidin tamui di gua tadi, himung banar paguruan sidin, ujar guru sidin alhamdulillah hidayah allah mnunjukn ikam, sakali babulik kaponduk sidin pamintar nya.sampai whini sdin dikenal jaidi ulama besar.

Hen aku gasan memotivasi diri ku jua png lwan buhan ikam ay jua mudahan termotivasi kytu nah, jangan handak menyarah lawan keadaan apalagi menyerah dalam menuntut ilmu, cobaan tu pasti ada, dosa tu pasti tegawi, pemantang tu pasti telanggar, tapi ya tadi pang kita tahu kemana kita bebulik, kita bisi tuhan nang maha pengampun, maha menunjuki, maha membari rahmat.

Hen kurang apalagi tuhan lawan kita, amun sawat kita suudzon lawan tuhan talalu banar.

Kyapa yo lah, Amun bungul, jujur aku nih bungul pada buhan kam, meulah makalah ja aku kda paham, dasar kda suah patuh lawan nang nama nya makalah kyapa hndk paham, lawan jua mun maslah bedosa, perasa ku pang lah lwan buhan kam tu aku nih jauh banar bedanya suci bebuhan ikam,aku nih bilang menggawi dosa tarus,kada tahu ganal halus ay, maka dosa nya urng yang tahu tu 2 kali lipat. hen kyapa buruk nya aku dari buhan ikam.

Nah, disini kypa kita menyikapi nya ja lagi, amun sorang merasa bungul dasar bujur sorang bungul, malah bagus yang sadar dirinya bungul amun bungul kda sadar sorang bungul ujar ust ku itu bungul berangkap, lawan jua manusia diranak akan kuitan kededa kalo yang langsung pintar, seandainya aku behiri lwan urng yg harat kuliah meulah tulisan ilmiah macam-macam, dahulunya inya sama kita jua sama pada bungul tagal inya tedahulu belajar itu naram. Nah dari sadar tu dulu kita handak bisa, merasa aku ni nah bungul maka aku nih harus belajar, sabuting dah point nya.

Imbah tu pulanh masalah dosa nh lagi, amun kita tu bedosa itu wajar lah, ada hadits nabi bebunyi setiap anak adam tu seberataan bedosa, tapi sebaik-baiknya urang nang bedosa tu urng yang betaubat. 

Ada jua dalil alqur’an dalam surah al-baqarah insya allah maksudnya “ sesungguhnya allah mencintai orang-orang yang ketuju bertaubat dan allah mencintai yg ketuju bebersih”, maksud nya bertaubat dalam ayat ni jar guru ku ust zuhdiannur dlam pngajian sidin malam sabtu, kata tawwabiin tu artinya jamak atau rancak, berarti kita yang hari ini berbuat dosa langsung betaubat, isuk-isuk amun kita teulah dosa lagi langsung taubat lagi, itu suatu yg manusiawi, kenapa ? manusia nih kada luput lawan dosa. Yalah..

Nah jadi kita tuh, husnudzon ja lwan allah, apa yang terjadi hari ini dalam hidup kita tu sudah ada nang meatur, wan kita yakin nang meatur tu allah, karna allah nang meatur kita harus yakin, allah tu sebaik-baik perencana, allah tu maha bijak. Mungkin kejadian yg menurut kita kda baik hari ini pacang baik di hari kena, yakin haja setiap kejadian tu ada hikmah nya..

Dah gin lah, auk galau banar masih nah mikirkan makalah nih. Lamunnya ada nang lihay meulah makalah kaytu, lajari am lah sms ha aku nah no ku 089524723493.

Wassalam, mahasiswa semprul.

23.58  Noor Arifin  1 comment

Read More

bulan puasa.?

bulan puasa ? ada apa bulan puasa ? kdapapa ai. hndk nulis bulan puasa banar ai.

mander akn bulan puasa lah, di ru, di timeline, di beranda. pina rami banar urng nulis last last. dri malam tdi, mlam tdi last terawih jar, hri nih besubuhan hari sdh behambur nulis status last ramadhan. iih ai terakhir ramadhan mun inya mati tahun ini, aku indah png dlu mun ini terakhir puasa, tahun dudi masih ada kalo. nah kada terakhir brati.

tempulu masih bulan puasa, isuk insya allah bulan syawal lo. nah hndk bnostalgia sdikit lwan bulan puasa tahun" dahulu.

yang pasti ada di bulan puasa nah, yang kda pasti ad di lain bulan puasa.
1. puasa, pasti dah ada dibulan puasa wani berapaan nah, nyata dah bulan puasa nih urng bnyak puasaan. mun bulan lain tt urng" yg bujur ja puasa sunah, mun bhan km nih blan puasa ja awam puasa, bpdah lwan kuitan drumah puasa, tngah hari kecendana, makan siang dlu jar supaya kuat puasa nya. kantut lalu. kuitan dibunguli. jaka bungul dikuitani. kypa tuh ? kda tahu jua.
2. buka puasa, pasti jua ada di bulan puasa, mun kda bebukaan puasa, mati yg puasa kda bebukaan sebulanan, mka biasa nya, ad jar urng tu bukber lo, mun aku lebih ktuju bukger pang, bukber tt buka bersama kalo masih bayar, mun aku bukger buka geratis, beh lain jua km yg gratis lwn yg bayar nih. kaya ada manis" nya tuh. nyata ja yg di makan kurma, manis. coba yg dimakan pare, pahit.
buka puasa jarang ada diluar bulan puasa, puasa ja kda, hndk bebuka lah, jaka bebuka yg lain ada. mun puasa yg dibuka kdd png.
3. sahur, salah nih sharusnya sahur dlu hnyar puasa lah, biar ai dah koler measai. setuju kda setuju bulan puasa nh pasti ada saur, biar ikm kda bsaur urng yg bsaur, lawan jua bulan puasa nh pasti ad yg begarakan saur, cobai ja kda bulan puasa jam 3 subuh begarkan saur, dikeluari urng pakai parang sebilah km. knp sebilah ja. tangan sebuting nya mingkuti gulungan tapih kalo tebeluluy, kytu biasanya urng bnjar nh.
4. terawih, terawih ni gin pasti dah ada. mun km smbhyng atau kada tu kd tahu aku, yg pasti urng smbhyngan. urng lah lain ikm, ikm lain urng. biasa nya terawih nih awal bulan puasa sasaak banar kda kemuatan tu png masjid lwan langgar, smpai tekeluar tu png smbhyng, kluar angkasa. pas smpai hari ktiga bkurang, smpai ptengahan bkurang plng, sampai mlam hari raya kdeda lagi yg smbhyng terawih, nyata ja ah urng btakbiran, dimesjid urng mnerima zakat fitrah ikm hndk terawih lah.

nah hbis tu mander akn trawih plng, bnyak yg rami" dibahas pas terawih nih apalagi pas knakan dlu.
biasa nya pas urng terawih tt rami nya bepacaran bbhan knakan plastik, urng smbhyngan inya wadah paman pentol bepanderan lwan binian, maka paman pentol nih pasti ada dah di mana ad urang terawih, bingung jua aku, tapi mun kdd paman pentol mencari pulang. iih ja dah ada ja gin paman pentol, tapi ku kda mncari paman nya lah, ku mncari pentol nya. paman nya kda nyaman. tes ja.
hbis tu mun kanakan baik nya habis terawih mengajian, mngaji sugih. eh kada. hhe kanakan yg baik jua tapi condong ke kda baik biasa nya becatukan sajadah atau tapih, lakian png lah, mun binian umpat paling mukana di gulung nya di ulahnya cecatukan jua. tapi rami km kytu, saban tahu dhulu tuh. whini ku lihati bilang kda tpi ad lagi, knakan nya bilang hape ja di kulay, kda kya kami bahari, latupan ja di kulay, mun kda bisi latupan kda hebat dulu tu, pas ada urng lewat ditawaki bukahan, ketawaan. rami kalo, coba whini kanakan nya main hape ja, cucul hape ada urng lewat tawak bukahan, bulik mnangis. hape hilang.

dasar rami bulan puasa jaman ku halusan dulu jua km beda banar dah lawan whini, dhulu puasa nya tahun 1430 an, whini tahun 1436, beda lo ujung nya.

ai iih tetinggal sbuting, pasar wadai, liati ja pasar wadai pasti ada bulan puasa, mun kd bulan puasa kdd yg ngaran nya pasar wadai. biar pasar nya bejual wadai ttap ai lain pasar wadai urng nymbat, pasar wadai nih gin ku kira yg dijual tt wadai ja, skali nya kda wadai ja, iwak ada es ada sayur ada. nah lain wadai lo. maka yg aneh tu kaya dipasar wadai gubernuran tt ad bejual tipi, kendaraan, parabola, paraibu" bapa" yang ada disini. nah layau. ku kira tu wadai jua tpi bntuk kndaraan, jadi kwa dikutili tunggal dikitan, nukar puasa pertama lo hbis nya hari raya, tapi lain wadai, kndaraan bujuran skali nya.

isuk hari raya lah ? kda pasti jua lagi lo, masih 29 hari png, yg pasti tu isuk hari jum'at pasti banar dah tu. mau mau kda kda harus meiih akn. dasar isuk hari jum'at kypa am. mau png hndk melincau ke hari minggu langsung.

ada pelajaran nya lah ? nyata ai ada, bisa bisa ai lagi km mikirkan, mun bisa jua bpikir. mun kd bisa bdiaman ai. tapi ku kasian jua lwn bhan km mun kdd dpat plajaran apa" mmbaca postingan ku.

jadi lah mun bulan puasa tu usahakan puasa, jangan smpai kda puasa, tempulu bulan puasa, mun kda bulan puasa awam banar puasa, yg bulan puasa ja liyut, hndk kda bulan puasa lah, puasa tu jua bebujur, jangan lwn kuitan bepadah puasa skali nya mkan siang. pas bulik kisah liyut, bebaya smpai rumah kda kerasaan ih jar sehari dah puasa, kaya hnyar sahur jar, nyata ja hnyar sahur tngah hari mkan. nah jangan kaitu, bujur png kuitan kda tahu, tapi acil yg bjual tahu kalo. eh allah tu pasti tahu. mun aku lain tahu png. tahu kotak. hbis tu. buka puasa lgi, buka dengan yg manis jar lo, sudah biasa, coba buka dengan yg gratis, neh nyata nyaman. hndk yg gratis lah, tulak klanggar, gratis nyaman" pulang, bestek ayam, karih ayam, bulu ayam. eh yg trakhir kdd.  bnyak keuntungan nya buka dilanggar thu lah, buka puasa tpi nya lah lain buka yang lain. pertama sblum bukaan biasa nya urng dlnggar bca yasin tahlil bzikir, mun drumah paling micik hp nulis status slamat berbuka sayang pdhal bisi pacar gin kda, mbah tu mun buka di langgar hbis bukaan lngsung smbhyng, mun dirumah amun smbhyng lngsung, yg ada tesandar kekanyangan. neh nyaman kalo maka kawa setiap hari ha pulang, makan nyaman, gratis, dpat pahala pulang.
terawih jua, terawih tu jangan hndk bepacaran, sembhyng bebujur, mun hndk jua nukar pentol tuntung akn dlu smbhyng hnyar mncari pentol, tu gin mncucuk nya behitung lah, nih kda kna mncucuk dua puluh bayar 2rb. bujur kada. ? pasti suah dah. mka lihat pas urng bgerumbung hnyar umpat bkajal. tobat tobat dah yg suah kytu. haha

dah gin dlu lah manggah jua sorang kebebanyakan hndak smbhyng jua nah parak dah mengiyung. aku nulis nih gin amun paham jua bhan km. dasar nya ngalih mncari yg bisa memahami nih. heh ai baper lo timbul.

cerita diatas berdasarkan pengalaman pribadi, makanya lancar kaya jalan tol.

21.25  Noor Arifin  No comments

Read More